ውጤታማ የፋይናንስ ተቋም እንዲፈጠር ይሰራል ሲል ገንዘብ ቢሮ አስታወቀ
የአማራ ብሄራዊ ክልላዊ መንግስት ገንዘብ ቢሮ ከዞንና ከሪጆፖሊታን ከተሞች ግንዘብ መምሪያዎች ጋር የ2018 በጀት ዓመት የመጀመሪያውን ሩብ ዓመት አፈጻጸም ገምግሟል፡፡ የአማራ ክልል ገንዘብ ቢሮ ኃላፊ አቶ አታላይ ጥላሁን በዚህ ግምገማ መድረክ የበጀት አመቱን የመጀመሪያውን ሩብ ዓመት አፈጻጸም በመገምገም የቀጣይ 8 ወራት ቀሪ ተግባራትን አቅጣጫ ያስቀመጡ ሲሆን ከክልሉ የ25 ዓመት እቅድ እንደተቋም የሚወሰዱ ተግባራትን በዝርዝር በማቅረብ ፤ሁሉም ዞኖችና ሪጆፖሊታን ከተሞች በተዋረድ የሚመሩትን መወቅራቸውን ጨምሮ በትኩረት ወስደው እንዲፈጽሙና እንዲያስፈጽሙ አቅጣጫ አስቀምጠዋል፡፡ ተቋም ግንባታ ቁልፍ የትኩረት አቅጣጫችን ሊሆን ይገባል ያሉት ቢሮ ኃላፊው አቶ አታላይ የፊሲካል ስራዎችን ትኩረት ሰጥተው የገለጹ ሲሆን የመልሶ መቋቋምና ግንባታ ስራዎችን፣የእርዳታና ብድር ሃብት ዐጠቃቀምና አስተዳደር ስራዎች፣የባንክ ሂሳብ አከፋፈትና ቁጥጥር ስርዓት፣የተከፋይና ተሰብሳቢ ላይ ውጤታማ የአሰራር ስርዓት መዘርጋት እና በመሳሰሉት ዙሪያ የበለጠ ጠንክረን በመስራት ውጤታማ የፋይናንስ ተቋም መፍጠር እንደሚያስፈልግ በዚህ ልክ አልሞ መስራት ይገባል ብለዋል፡፡ መረጃ የሁሉም ነገር መሰረት ነው ያሉት ቢሮ ኃላፊው የተደራጀና ዲጂታላይዝ መረጃ በማጠናከር ጠንካራ የፋይናንስ ተቋም መፍጠር እንደሚገባ በመግለጽ የህዝብ ግንኙነት ስራዎቻችን ላይ የበለጠ ትኩረት በመስጠት ለተግባሮቻችን ስኬት ማስፈጸሚያ መሳሪያ አድርጎ መውሰድ እንደሚገባ ጨምረው ገልጸዋል፡፡ የገንዘብ ቢሮ ም/ቢሮ ኃላፊ ወ/ሮ መሰረት አዱኛ በበኩላቸው የተሰብሳቢ እና ተከፋይ ሂሳብ የግብዓት ብድር ተሰብሳቢ ሂሳቦችን ጨምሮ በአግባቡ አጣርቶ እልባት ሊሰጠው ይገባል ብለዋል፡፡ በአይቤክስ ሂሳብ አመዘጋገብ የሰርቨሩ አቅም ማነስ ችግር ቀጣይ የሰረቨሮችን ቁጥር በመጨመር ጊዜያዊ መፍትሄ እንደሚሰጥ የገለጹት ም/ቢሮ ኃላፊዋ ወ/ሮ መሰረት ዘላቂ መፍትሄ ለመውሰድ ሰፊ በጀት ስለሚጠይቅ የበጀት አቅማችንን አይተን ቀጣይ የሰርቨሩን አቅም ለማሳደግ ይሰራል ያሉ ሲሆን ለወደፊት ወደ አዲሱ የሂሳብ አስተዳደር (IFMIS) Integrated Financial Management Information System) ስርዓት የምንሸጋገርበት ሁኔታ ሊኖር እንደሚችልም ወ/ሮ መሰርት ጨምረው ገልጸዋል፡፡ በውይይት መድረኩ የቢሮው የእቅድና በጀት ክትትል ደይሬከተሩ አቶ መልካሙ ውበት ሪፖርቱን አቅርበው ያስገመገሙ ሲሆን የገጠር ልማታዊ ሴፍትኔት አሰተባባሪዋ ወ/ሮ ምጥን እሸቴ የፕሮግራሙን አፈጻጸምን እና የቀጣይ ጊዚያት አቅጣጫዎች አቅርበው አስገምግመዋል ፤በመቀጠልም አዲሱ የፕሮግራም በጀቲግን በተመለከተ ጹሁፍ ቀርቦ የአሰራር አቀጣጫዎች ተሰጥተውበት ውይይቱ ተጠናቋል፡፡