የመንግስት አገልግሎትና አስተዳደር ሪፎርም አፈጻጸም ተገመገመ
የአማራ ብሄራዊ ክልላዊ መንግስት ገንዘብ ቢሮ የመንግስት አገልግሎት እና አስተዳደር ሪፎርም አፈጻጸም ያለበትን ደረጃ ገመገመ፡፡ ቢሮዉ የመንግስት አገልግሎትና አስተዳደር ሪፎርም በመጀመሪያዉ ዙር እንዲተገብሩ ከተመረጡ የክልል ቢሮዎች አንዱ ሲሆን በዝግጅት ምእራፍ የተከናወኑ ተግባራት አፈጻጸም ሰትሪንግ ኮሚቴ፤ የሪፎርም አስተግባሪ ኮሚቴ እና የቴክኒክ ኪሚቴ አባላት በተገኙበት ሪፖርት ቀርቦ በዝርዝር ተገምግሟል፡፡ ሪፖርቱ በቢሮዉ የሪፎርም አስተግባሪ ኮሚቴ ተዘጋጅቶ የቀረበ ሲሆን በቀረበዉ ሪፖርት ላይ በመመስረት የተለያዩ ጥያቄዎችና አስተያየቶች ተነስተዉ ዉይይት ተካሂዶበታል፡፡ በግምገማ መድረኩ ላይ የተገኙት የአማራ ክልል ገንዘብ ቢሮ ኃላፊ አቶ አታላይ ጥላሁን የመንግስት አገልግሎትና አስተዳደር ሪፎርም እንደ ቢሮ በትኩረት ከምንፈጽማቸዉ ሥራዎች አንዱ መሆኑን የገለጹ ሲሆን እስካሁን ባለዉ ሁኔታ የተከናወኑ አበረታች ተግባራት መኖራቸዉን ጠቅሰዉ ነገር ግን ቀሪ ሥራዎችን ጊዜ የለንም በሚል መንፈስ ትኩረት ስጥተን መሥራት አለብን ያሉ ሲሆን የቢሮዉ የመንግስት አገልግሎትና አስተዳደር ሪፎርም ስትሪንግ ኮሚቴም የቅርብ ክትትል የሚያደርግ እንደሆነ ገልጸዋል፡፡ በዉይይቱ ወቅትም በቀጣይ ጊዚያት የሚሠሩ ሥራዎች ተለይተዉ በትኩረት እንዲፈጸሙ በመግባባት ዉይይቱ ተጠናቋል፡፡ ከአማራ ክልል ገንዘብ ቢሮ ተጨማሪ መረጃዎችን ለማግኘት የሚከተሉትን ሊንኮች ይጠቀሙ ፌስቡክ https://www.facebook.com/share/191YyDU2YK/ ዩቲዩብ http://www.youtube.com/@AmharaFinanceBureau ቴሌግራም https://t.me/AmharaBureauofFinance ዋትስአፕ https://whatsapp.com/channel/0029Vb8BHKA4SpkAKHBs6M0H ኢንስታግራም https://www.instagram.com/amhara415?igsh=MTh1Nzd3dnNpaWRxMg== ቲክቶክ https://www.tiktok.com/@amhara.finance.bureau?_r=1... ዌብሳይት http://www.amharabofec.gov.com/ ኤክስ (ትዊተር) https://twitter.com/@amhara_finance